🇮🇳 Adv. Gaurav Shivajirao Garje 🇮🇳

Maharashtrian, NCP-Ajitdada Pawar,
B.E, LL.B

[Shivajirao Garje @ShivajiraoGarje]

आज मुंबईतील कुलाबा येथील महिला विकास मंडळ सभागृह येथे आयोजित "अजित स्मृती - अवीट स्मृती" या दुर्मिळ छायाचित्र प्रदर्शनाचे उद्घाटन राज्याचे मुख्यमंत्री @Dev_Fadnavis साहेब, उपमुख्यमंत्री श्रीमती. @SunetraA_Pawar वहिनी साहेब यांच्या हस्ते पार पडले.

[Sunetra Ajit Pawar @SunetraA_Pawar]

महाराष्ट्र शासनाने घेतलेल्या एका महत्त्वपूर्ण निर्णयानुसार, आदरणीय अजितदादा यांच्या जयंतीचा सन २०२६ पासून राष्ट्रपुरुष व थोर व्यक्तींच्या अधिकृत जयंती कार्यक्रमांमध्ये समावेश करण्यात आला आहे. हा केवळ शासन निर्णय नसून, महाराष्ट्राच्या विकासासाठी आयुष्यभर झटलेल्या, लोकहिताला सर्वोच्च प्राधान्य देणाऱ्या आणि विकासाला नवी दिशा देणाऱ्या दादांच्या कार्याचा राज्याने केलेला अधिकृत गौरव आहे.

दादांनी प्रशासनात कार्यक्षमतेचा नवा आदर्श निर्माण करत पायाभूत सुविधा, सिंचन, उद्योग, शिक्षण, क्रीडा, ग्रामीण विकास आणि जनकल्याणाच्या प्रत्येक क्षेत्रात दूरदृष्टीने काम केले. आपल्या कर्तृत्व, निर्णयक्षम नेतृत्व आणि लोकाभिमुख कार्यशैलीमुळे त्यांनी महाराष्ट्राच्या प्रगतीचा भक्कम पाया रचला. म्हणूनच ते जनतेच्या मनात केवळ एक नेता नव्हते, तर प्रत्येकाच्या हक्काचे 'दादा' होते.

यापुढे दरवर्षी २२ जुलै रोजी शासकीय स्तरावर त्यांच्या जयंतीनिमित्त प्रतिमेस पुष्पहार अर्पण करून त्यांच्या कार्याला अभिवादन करण्यात येणार आहे. दादांच्या लोकसेवेचा, विकासदृष्टीचा आणि जनतेप्रती असलेल्या समर्पणाचा हा सन्मान संपूर्ण महाराष्ट्रासाठी अभिमानाचा आणि प्रेरणेचा क्षण आहे.

आदरणीय अजितदादांचे विचार, कार्य आणि विकासाचा वारसा भावी पिढ्यांना प्रेरणा देत राहील.
आदरणीय अजितदादांना विनम्र मानवंदना!

[Sunetra Ajit Pawar @SunetraA_Pawar]

आपले नेते, महाराष्ट्राच्या विकासाचे शिल्पकार आदरणीय अजितदादांच्या जयंतीनिमित्त तसंच राज्याचे लोकप्रिय मुख्यमंत्री मा. श्री. देवेंद्रजी फडणवीस साहेबांच्या वाढदिवसानिमित्त दि. २२, २५ आणि २६ जुलै २०२६ या तीन दिवसांपैकी एका दिवशी राज्यातील प्रत्येक विधानसभा मतदारसंघात आयोजित करण्यात येणाऱ्या "छत्रपती शिवाजी महाराज महाराजस्व समाधान शिबिर अभियान" या जनहितकारी उपक्रमाच्या यशस्वी आयोजनाबाबत राष्ट्रवादी काँग्रेस पक्ष कार्यालयात पदाधिकारी व कार्यकर्त्यांना मार्गदर्शन केलं.

आदरणीय अजितदादांनी सदैव जनतेच्या प्रश्नांना प्राधान्य देत विकास आणि लोककल्याणाची भूमिका जपली. त्यांच्या कार्याला अभिवादन म्हणून हा उपक्रम अधिक प्रभावीपणे राबवून प्रत्येक पात्र लाभार्थ्यापर्यंत शासनाच्या योजना पोहोचवणं हीच त्यांना खरी आदरांजली ठरेल.

या शिबिराच्या माध्यमातून नागरिकांना महसूल विभागासह विविध शासकीय सेवा, दाखले, प्रमाणपत्रे तसंच शासनाच्या विविध कल्याणकारी योजनांचा लाभ एकाच ठिकाणी मिळणार आहे. एकही पात्र नागरिक या सुविधांपासून वंचित राहू नये, यासाठी सर्व पदाधिकारी व कार्यकर्त्यांनी प्रशासनाशी समन्वय साधून सक्रिय सहभाग घ्यावा, अशा सूचना दिल्या.

“शासन आपल्या दारी” ही संकल्पना प्रत्यक्षात आणण्यासाठी प्रत्येक गाव, वाडी-वस्ती आणि कुटुंबापर्यंत या उपक्रमाची माहिती पोहोचवून हे अभियान लोकाभिमुख आणि यशस्वी करण्याचं आवाहन केलं.

याचवेळी ‘SIR’ (Special Intensive Revision) अभियानासंदर्भातही पदाधिकारी व कार्यकर्त्यांना मार्गदर्शन केलं. मतदार यादीतील प्रत्येक पात्र मतदाराची नोंद सुनिश्चित करणे, BLA स्तरावरील काम प्रभावीपणे राबविणे, घराघरात पोहोचून मतदारांना सहकार्य करणं आणि तंत्रज्ञानाच्या माध्यमातून ही मोहीम यशस्वी करण्यासाठी सर्वांनी जबाबदारीनं काम करावं, असं आवाहन केलं.
जनसेवा आणि संघटन बळकटीकरणाच्या या दोन्ही महत्त्वपूर्ण उपक्रमांमध्ये प्रत्येक पदाधिकारी व कार्यकर्त्यांनी
समन्वयानं व पूर्ण क्षमतेनं सहभाग घ्यावा, अशा सूचना दिल्या.

[Sunetra Ajit Pawar @SunetraA_Pawar]

आज देहूनगरीत जगद्गुरु संतश्रेष्ठ तुकाराम महाराजांच्या पालखी प्रस्थान सोहळ्यात सहभागी होत माऊलींच्या पादुकांचं दर्शन घेतलं, विधीवत पूजा-आरती केली आणि आशीर्वाद घेतले.

वारकरी संप्रदायाची अखंड भक्ती, समर्पण आणि सेवाभाव प्रत्येकाला प्रेरणा देणारा आहे. श्री विठ्ठलाच्या कृपेनं सर्वांच्या आयुष्यात सुख, शांती, समृद्धी लाभो आणि राज्यात भरघोस पीक नांदो, हीच चरणी प्रार्थना.

रामकृष्ण हरी!

#जगद्गुरु_संत_तुकाराम_महाराज
#पालखी_प्रस्थान_सोहळा

[Sunetra Ajit Pawar @SunetraA_Pawar]

सारथी संस्थेच्या UPSC, MPSC व इतर स्पर्धा परीक्षांमध्ये यश संपादन केलेल्या विद्यार्थी-विद्यार्थिनी व त्यांच्या पालकांच्या सन्मान सोहळ्याला उपस्थित राहून त्यांच्याशी संवाद साधण्याची संधी लाभली.

यावेळी लोककल्याणकारी राजे, राजर्षी छत्रपती शाहू महाराज यांच्या जयंतीनिमित्त त्यांच्या पुतळ्याला पुष्पांजली अर्पण करून विनम्र अभिवादन केलं. तसंच सारथी कार्यालयाला भेट देऊन तिथल्या कामकाजाची पाहणी केली.

सारथी संस्था ही केवळ शासकीय योजना राबवणारी संस्था नसून सामाजिक परिवर्तन, शैक्षणिक प्रगती आणि युवक सक्षमीकरणाची प्रभावी चळवळ आहे. समता, बंधुता, सामाजिक न्याय आणि शिक्षणाच्या माध्यमातून वंचित समाजघटकांना मुख्य प्रवाहात आणण्याचा राजर्षी छत्रपती शाहू महाराजांचा विचार आज सारथीच्या कार्यातून प्रत्यक्षात साकार होत आहे.

शिक्षण, संशोधन, कौशल्य विकास, स्पर्धा परीक्षा मार्गदर्शन, रोजगारनिर्मिती आणि उद्योजकता विकास या क्षेत्रांत सारथीनं केलेल्या उल्लेखनीय कार्याचा गौरव केला. तसंच आजपर्यंत UPSC मध्ये १४० आणि MPSC मध्ये १,२४५ अधिकारी घडवून महाराष्ट्राला सक्षम प्रशासकीय नेतृत्व देण्याचं सारथीचं योगदान अत्यंत प्रेरणादायी असल्याचं यावेळी नमूद केलं.

यावेळी आदरणीय अजितदादा पवार यांच्या दूरदृष्टीपूर्ण नेतृत्वाचा विशेष उल्लेख केला. युवकांना शिक्षण, कौशल्य आणि रोजगाराच्या माध्यमातून सक्षम करण्याचं त्यांचं स्वप्न होतं. सारथी संस्थेच्या उभारणी व बळकटीकरणात त्यांचं मोलाचं योगदान असून त्यांनी संस्थेच्या पायाभूत सुविधांसाठी १,३६० कोटी रुपयांची प्रशासकीय मान्यता तसंच आवश्यक जमीन उपलब्ध करून दिली. त्यांच्या कार्यकाळात सारथीच्या कोणत्याही योजनेला निधीची कमतरता भासू दिली नाही. आजचे शेकडो यशस्वी विद्यार्थी हे त्यांच्या दूरदृष्टीचं आणि समाजाभिमुख विचारांचं जिवंत प्रतीक आहेत.

तसंच कौशल्य विकास कार्यक्रमांमधून हजारो युवकांना रोजगाराच्या संधी उपलब्ध करून देण्यामध्ये सारथीनं बजावलेल्या भूमिकेचं कौतुक केलं. शासनाच्या वतीनं सारथीच्या सर्व उपक्रमांना आवश्यक निधी आणि पूर्ण पाठबळ देण्याची ग्वाही दिली. त्याचप्रमाणे अधिकाधिक युवकांपर्यंत शिक्षण, कौशल्य आणि संधी पोहोचवण्यासाठी राज्य शासन कटिबद्ध असल्याचं स्पष्ट केलं.

मा. मुख्यमंत्री श्री. देवेंद्र फडणवीस यांच्या नेतृत्वाखाली सारथी संस्थेचं कार्य अधिक व्यापक आणि प्रभावी करण्यासाठी शासन सातत्यानं प्रयत्नशील राहील, असा विश्वास यावेळी व्यक्त केला.

या कार्यक्रमाच्या निमित्तानं सन्मानित सर्व विद्यार्थी-विद्यार्थिनी, त्यांचे पालक, शिक्षक आणि सारथी परिवाराचे मनःपूर्वक अभिनंदन करत त्यांच्या उज्ज्वल भवितव्यासाठी शुभेच्छा दिल्या.

📍 गणेश कला क्रीडा रंगमंच, पुणे

[MahaNCPspeaks @mahancpspeaks]

राष्ट्रवादी काँग्रेस पक्ष हा नेहमीच सर्वसामान्य जनतेच्या प्रश्नांना प्राधान्य देणारा आणि त्यांच्या सुख-दुःखात सहभागी होणारा पक्ष राहिला आहे. स्व. अजितदादा पवार यांनी जपलेल्या जनसंपर्काच्या विचारांना पुढे नेत राज्याच्या उपमुख्यमंत्री तथा राष्ट्रवादी काँग्रेस पक्षाच्या राष्ट्रीय अध्यक्षा श्रीमती. सुनेत्रावहिनी पवार यांनी आज पक्षाच्या प्रदेश कार्यालयात नागरिकांच्या भेटी घेत त्यांच्या विविध समस्या जाणून घेतल्या.

राज्याच्या कानाकोपऱ्यातून आलेल्या नागरिकांनी वैयक्तिक, सामाजिक तसेच शासकीय अडचणींबाबत निवेदने सादर केली. प्रत्येक नागरिकाचे म्हणणे आत्मीयतेने ऐकून घेत संबंधित विभागांशी समन्वय साधून योग्य ती कार्यवाही करण्याच्या सूचना देण्यात आल्या.

जनतेच्या प्रश्नांना न्याय मिळवून देण्यासाठी पक्षाचे पदाधिकारी, कार्यकर्ते कायम जनतेसोबत खंबीरपणे उभे राहतील, असा विश्वास श्रीमती. सुनेत्रावहिनी पवार यांनी यावेळी व्यक्त केला.

[Sunetra Ajit Pawar @SunetraA_Pawar]

📍मुंबई

माहिती तंत्रज्ञान विभाग आणि महा आयटी यांच्या संयुक्त विद्यमाने आयोजित 'टेक महा इम्पॅक्ट २०२६' या राष्ट्रीय परिषदेच्या उद्घाटन सोहळ्यास मा. मुख्यमंत्री देवेंद्रजी फडणवीस यांच्या समवेत सहभागी झाले. यावेळी उपस्थितांचे स्वागत करत संबोधित केले.

महाराष्ट्र नेहमीच देशाचे आर्थिक आणि औद्योगिक इंजिन राहिले आहे. राज्य सरकार सर्वसमावेशक आणि प्रगतीशील विकासासाठी सातत्याने कटिबद्ध आहे. "तंत्रज्ञान, नवोपक्रम आणि सीएसआरच्या माध्यमातून समाजाचे सक्षमीकरण" ही संकल्पना राज्याच्या विकास धोरणाचे एक मूलभूत तत्त्व आहे.

सीएसआर आणि सरकार यांच्यात एक मजबूत समन्वय साधला, तर आपण शेवटच्या टोकापर्यंत अधिक प्रभावीपणे पोहोचू शकतो. आजची 'डिजिटल दरी' सांधणे हे केवळ एक तांत्रिक काम नाही तर तो सामाजिक न्यायाचा प्रश्न आहे. जर आपण ग्रामीण विद्यार्थी आणि महिलांना तंत्रज्ञानाच्या सामर्थ्याने सक्षम केले, तर ते राज्याच्या प्रगतीचे चित्रच बदलू शकतात. शिक्षण, आरोग्यसेवा आणि आर्थिक संधींमध्ये महिलांचा सहभाग वाढवणे हे केवळ त्यांचे सक्षमीकरण नाही तर संपूर्ण समाजाचे सक्षमीकरण आहे.

सामान्य नागरिकांना सरकारी सेवा मिळवण्यासाठी रांगेत उभे राहावे लागू नये, यासाठी डिजिटल व्यवस्था अधिक सक्षम करण्याची गरज आहे. डिजिटल समावेश म्हणजे केवळ इंटरनेट सुविधा नव्हे, तर प्रत्येक नागरिकाला शिक्षण, आरोग्य आणि सरकारी योजनांचा समान हक्क मिळवून देणे होय. आज झालेले सामंजस्य करार आणि ई-गव्हर्नमेंट मासिकाचे प्रकाशन ही त्या दिशेने उचललेली महत्त्वपूर्ण पावले आहेत. शरीर आणि मन या दोन्हींची काळजी घेणारा सक्षम महाराष्ट्र घडवणे, हीच आपली सामूहिक जबाबदारी आहे.

महाराष्ट्र शासनाने कृषी क्षेत्रात कृत्रिम बुद्धिमत्तेच्या (AI) माध्यमातून विविध उपक्रम हाती घेतले आहेत. हवामानाचा अंदाज, पिकांचे उत्पादन वाढवणे आणि संसाधनांचे प्रभावी व्यवस्थापन यासाठी एआयचा उपयोग शेतकऱ्यांना मोठी मदत करत आहे. बारामती मतदारसंघात ऊसासह विविध पिकांच्या लागवडीत एआयचा वापर केला जात आहे. या उपक्रमांना आदरणीय अजित दादांनी विशेष पाठिंबा देत, CSRच्या माध्यमातून एआय लॅब उभारण्यातही महत्त्वाची भूमिका बजावली.

महाराष्ट्रात तंत्रज्ञान-आधारित आणि लोक-केंद्रित विकास मॉडेल मजबूत करण्यासाठी ही परिषद अत्यंत महत्त्वाची ठरेल तसेच महाराष्ट्राच्या विकासासाठी एक नवीन 'रोडमॅप' म्हणूनही काम करेल, असा विश्वास यावेळी व्यक्त केला.

[MahaNCPspeaks @mahancpspeaks]

आज राष्ट्रवादी काँग्रेस पक्षाच्या प्रदेश कार्यालयात राष्ट्रवादी काँग्रेस पक्षाच्या राष्ट्रीय अध्यक्षा श्रीमती. सुनेत्रावहिनी पवार यांच्या नेतृत्वावर विश्वास ठेवत आणि स्व: अजितदादा पवार यांनी उभ्या केलेल्या जनसंपर्क व सर्वसमावेशक राजकारणाच्या विचारांना पुढे नेत, पक्षाचे ज्येष्ठ नेते तथा अन्न व नागरी पुरवठा मंत्री मा. ना. श्री. छगन भुजबळ यांच्या प्रमुख उपस्थितीत श्री. प्रबोध वसंतराव डावखरे यांनी राष्ट्रवादी काँग्रेस पक्षात जाहीर प्रवेश केला.

यावेळी मा. भुजबळ यांनी श्री. डावखरे यांचे पक्षात स्वागत करत त्यांच्या पुढील राजकीय आणि सामाजिक वाटचालीस शुभेच्छा दिल्या.

यावेळी बोलताना श्री. भुजबळ म्हणाले की, “वसंतराव डावखरे यांनी अनेक वर्षे राष्ट्रवादी काँग्रेस पक्षात निष्ठेने काम केले. विधान परिषदेसह विविध जबाबदाऱ्या त्यांनी समर्थपणे पार पाडल्या. स्व: अजितदादा पवार यांच्यावर त्यांची कायम निष्ठा राहिली. आज त्यांचे सुपुत्र प्रबोध डावखरे पक्षात प्रवेश करत आहेत, ही आनंदाची बाब आहे. ते यशस्वी उद्योजक असून फिटनेस आणि जिम व्यवसाय क्षेत्रात त्यांनी उल्लेखनीय काम उभं केलं आहे. पक्षाकडून त्यांना योग्य सन्मान आणि संपूर्ण पाठबळ दिलं जाईल. त्यांनी निर्धास्तपणे काम करावं, आम्ही त्यांच्या पाठीशी भक्कमपणे उभे आहोत,” असा विश्वास त्यांनी व्यक्त केला.

यावेळी माजी मंत्री दिलीप वळसे पाटील म्हणाले की, “प्रबोध डावखरे यांचे पक्षात स्वागत आहे. ते एक यशस्वी व्यावसायिक आहेत. त्यांचे वडील वसंतराव डावखरे ठाणे महानगरपालिकेचे महापौर, विधान परिषद सदस्य आणि उपसभापती म्हणून कार्य केले. स्व: अजितदादा पवार यांच्या विचारांचा वारसा आणि आपल्या वडिलांचा राजकीय-सामाजिक वारसा पुढे नेत प्रबोध डावखरे संघटनेत प्रभावी काम करतील, असा विश्वास आहे.”

पक्षप्रवेशानंतर श्री. प्रबोध वसंतराव डावखरे म्हणाले की, “आजचा दिवस माझ्यासाठी अत्यंत भावनिक आहे. माझ्या वडिलांनी आपलं संपूर्ण आयुष्य राष्ट्रवादी काँग्रेस पक्षासाठी दिलं. स्व: अजितदादा पवार यांच्यावरील त्यांची निष्ठा आणि पक्षाशी असलेली बांधिलकी हीच माझ्यासाठी प्रेरणा आहे. आज मी राष्ट्रवादी काँग्रेस पक्षात प्रवेश करताना मन भरून आलं आहे.

विशेषतः खासदार श्री. पार्थदादा पवार यांचे मी मनापासून आभार मानतो. त्यांनी मला पक्षप्रवेशासाठी मोलाचं सहकार्य केलं. तसेच ठाणे जिल्ह्यात पक्ष संघटना अधिक मजबूत करण्यासाठी पूर्ण ताकदीने काम करेन,” अशी ग्वाही त्यांनी दिली.

यावेळी पक्षाचे कोषाध्यक्ष मा. आ. श्री. शिवाजीराव गर्जे, मा. श्री. आ. संजय बनसोडे, मा. आ. श्री. प्रताप पाटील चिखलीकर, प्रदेश उपाध्यक्ष श्री. प्रमोद हिंदुराव, प्रवक्ते श्री. संजय तटकरे, प्रदेश सरचिटणीस श्री. सुरज चव्हाण, प्रदेश सरचिटणीस श्री. नजीब मुल्ला, सहकोषाध्यक्ष श्री. संजय बोरगे, अल्पसंख्याक प्रदेशाध्यक्ष श्री. नाजेर काझी, प्रदेश सरचिटणीस श्री. लतिफ तांबोळी तसेच मुंबई महिला कार्याध्यक्ष मनीषा तुपे यांच्यासह आदी मान्यवर उपस्थित होते.

[Sunetra Ajit Pawar @SunetraA_Pawar]

लोकमान्य शिक्षण संस्था संचालित शरद आचार्य क्रीडा केंद्राच्या श्री नारायणराव आचार्य विद्यानिकेतन शाळेच्या जिम्नॅस्टिक्स केंद्रात सराव करणाऱ्या १९ खेळाडूंनी गोवा येथे पार पडलेल्या १४ व्या ॲक्रोबॅटिक्स जिम्नॅस्टिक्स आशियाई अजिंक्यपद स्पर्धेत आपल्या उत्कृष्ट कामगिरीच्या जोरावर ६ सुवर्ण पदकं, २७ रौप्य पदकं आणि १५ कांस्य पदकं पटकावत उल्लेखनीय यश संपादन केले. या युवा खेळाडूंनी आज माझी सदिच्छा भेट घेतली.

महाराष्ट्रासह संपूर्ण देशाचं नावलौकिक करणाऱ्या या होतकरू खेळाडूंचं मनापासून अभिनंदन केलं, क्रीडा क्षेत्रातील पुढील यशस्वी वाटचालीसाठी शुभेच्छा दिल्या.

📍राष्ट्रवादी काँग्रेस पक्ष कार्यालय, मुंबई

[Sunetra Ajit Pawar @SunetraA_Pawar]

शासकीय कामकाजातून सवड काढून पक्षाचे पदाधिकारी, कार्यकर्ते व सर्वसामान्य नागरिकांशी भेटीगाठी केल्या. प्रत्येकानं त्यांचे प्रश्न, अडचणी व समस्या माझ्यासमोर मांडल्या. त्यांचं म्हणणं समजून घेत सर्वांचं आपण निराकरण करू, असं आश्वस्त केलं.

📍राष्ट्रवादी काँग्रेस पक्ष कार्यालय, मुंबई

[Parth Sunetra Ajit Pawar @parthajitpawar]

Prashant ji is a friend and like a brother. He is known to us since Dada’s time. Yesterday he was in town so we had pleasure to have him at home for lunch and some insightful conversation.

Regarding some speculation about him working with NCP, let me set the record straight. To the best of my knowledge it has been few years since he has quit the political advisory space. I don’t see that changing but I can assure all those who are interested that we are and will  always be available for each other wherever needed.

[Sunetra Ajit Pawar @SunetraA_Pawar]

सोनाली पैठणी हँडलूम अँड सिल्क साडी परिवाराच्या वतीनं आयोजित भव्य पैठणी प्रदर्शन व विक्री दालनाच्या उद्घाटन प्रसंगी उपस्थित राहिले. “लोकल फॉर व्होकल” या संकल्पनेला बळ देणारा आणि महाराष्ट्राच्या सांस्कृतिक वारशाचा गौरव करणारा हा उपक्रम निश्चितच कौतुकास्पद आहे. पिंपरी-चिंचवडमधील नागरिकांनी मोठ्या संख्येनं या प्रदर्शनाला भेट देऊन अस्सल हातमाग पैठणीला प्रोत्साहन द्यावे, असं आवाहन याप्रसंगी केलं.

पैठणी ही केवळ साडी नाही, तर ती महाराष्ट्राच्या संस्कृतीची, परंपरेची आणि कलात्मक वैभवाची ओळख आहे. येवला येथील विणकरांनी अनेक पिढ्यांपासून अथक परिश्रम आणि समर्पणातून ही परंपरा जिवंत ठेवली आहे. हातमागावर विणली जाणारी प्रत्येक पैठणी ही मेहनत, संयम आणि सौंदर्याचा अप्रतिम संगम आहे.

या प्रदर्शनाच्या माध्यमातून केवळ पैठणी विक्री होत नाही, तर आपल्या पारंपरिक कलेचा आणि विणकरांच्या कौशल्याचा गौरव होत आहे. विशेष म्हणजे येथे हातमागावर पैठणी विणण्याचे प्रत्यक्ष प्रात्यक्षिक सादर करण्यात येत आहे. त्यामुळे नवीन पिढीला या कलेमागील परिश्रम आणि परंपरा जवळून अनुभवता येणार आहे.

माझा वस्त्रोद्योग क्षेत्राशी विशेष जिव्हाळ्याचा संबंध राहिला आहे. राज्यसभेवर खासदार म्हणून काम करत असताना देशाचे लोकप्रिय पंतप्रधान मा. श्री. नरेंद्र मोदी साहेबांच्या नेतृत्वाखाली केंद्रीय वस्त्रोद्योग सल्लागार समितीची सदस्य म्हणून काम करण्याची संधी मला मिळाली. तसेच बारामती टेक्सटाईल पार्कची अध्यक्ष म्हणून मी गेल्या अनेक वर्षांपासून कार्यरत आहे. या माध्यमातून हजारो माता-भगिनींच्या हाताला काम देण्याचे आणि त्यांना आर्थिकदृष्ट्या सक्षम बनवण्याचे महत्त्वपूर्ण कार्य आम्ही केले आहे. महिलांना स्वतःच्या पायावर उभे करण्यासाठी वस्त्रोद्योग आणि हातमाग क्षेत्र हे अत्यंत प्रभावी माध्यम आहे, असं स्पष्ट केलं.

आदरणीय मोदी साहेबांनी दिलेला “लोकल फॉर व्होकल”चा संदेश हा आत्मनिर्भर भारताच्या निर्मितीचा मजबूत पाया आहे. स्थानिक उत्पादनांना प्राधान्य दिल्यास आपल्या कारागिरांना नवी ताकद आणि मोठी बाजारपेठ मिळेल. पिंपरी-चिंचवड हे औद्योगिक शहर असले तरी इथली सांस्कृतिक जाणीव तितकीच समृद्ध आहे. आदरणीय अजितदादांचं या शहरावर विशेष प्रेम होतं. सामाजिक, सांस्कृतिक आणि पारंपरिक उपक्रमांना प्रोत्साहन देण्याचा त्यांचा नेहमी आग्रह होता, अशा भावना यावेळी व्यक्त केल्या.

[Parth Sunetra Ajit Pawar @parthajitpawar]

Attended the swearing-in ceremony of the BJP-NDA government in Assam under the leadership of Hon’ble Chief Minister Shri Himanta Biswa Sarma ji, along with NCP National President and Deputy Chief Minister of Maharashtra Hon’ble Smt. Sunetra Ajitdada Pawar ji.

The ceremony was graced by the presence of Hon’ble Prime Minister Shri Narendra Modi ji and Hon’ble Home Minister Shri Amit Shah ji. Extended heartfelt wishes to Shri Himanta Biswa Sarma ji for a successful tenure ahead.

Also had a meaningful interaction with Hon’ble Andhra Pradesh Chief Minister Shri Chandrababu Naidu ji on the occasion.

📍Guwahati
------
आसामचे मुख्यमंत्री मा.श्री. हिमंत बिस्वा सरमा जी यांच्या नेतृत्वाखाली स्थापन होणाऱ्या भाजप-एनडीए सरकारच्या शपथविधी सोहळ्याला राष्ट्रवादी काँग्रेस पक्षाच्या राष्ट्रीय अध्यक्षा व राज्याच्या उपमुख्यमंत्री मा. श्रीम. सुनेत्रा अजितदादा पवार यांच्यासमवेत उपस्थित राहिलो.

सदर कार्यक्रम देशाचे लोकप्रिय पंतप्रधान मा.श्री. नरेंद्र मोदी साहेब आणि गृहमंत्री मा.श्री. अमित शाह जी यांच्या प्रमुख उपस्थितीत संपन्न झाला. या प्रसंगी श्री. हिमंत बिस्वा सरमा जी यांना मुख्यमंत्री पदाच्या पुढील यशस्वी वाटचालीसाठी मनापासून शुभेच्छा दिल्या.

यानिमित्ताने आंध्रप्रदेशचे मुख्यमंत्री मा.श्री. चंद्राबाबू नायडू जी यांच्यासोबत सुसंवाद साधला.

📍गुवाहाटी

@narendramodi
@AmitShah
@himantabiswa
@ncbn
@SunetraA_Pawar

[Sunetra Ajit Pawar @SunetraA_Pawar]

सांगली जिल्ह्यातील मोटेवाडी येथे मरगुबाई देवस्थान मंदिरालगतची भिंत कोसळून घडलेली दुर्घटना अत्यंत दुःखद आणि वेदनादायी आहे. या अपघातात सहा भाविकांचा दुर्दैवी मृत्यू झाला असून, त्यामध्ये जत तालुक्यातील तीन तसेच कर्नाटकातील तीन भाविकांचा समावेश आहे. मृत्युमुखी पडलेल्या भाविकांना मी श्रद्धांजली अर्पण करते आणि मृतांच्या कुटुंबियांप्रती सहवेदना व्यक्त करते.

या दुर्घटनेत अनेक भाविक जखमी झाले असून त्यांच्यावर मिरज, जत, संख आणि विजापूर येथील विविध रुग्णालयांमध्ये उपचार सुरू आहेत. सर्व जखमी भाविकांनी लवकरात लवकर पूर्णपणे बरे व्हावे, यासाठी ईश्वरचरणी प्रार्थना करते.

[Sunetra Ajit Pawar @SunetraA_Pawar]

आसामचे नवनिर्वाचित मुख्यमंत्री मा. श्री. हिमंत बिस्वा सरमा यांचा शपथविधी सोहळा उत्साहपूर्ण वातावरणात संपन्न झाला. या विशेष सोहळ्यास उपस्थित राहून मा. श्री. हिमंत बिस्वा सरमा यांना पुढील यशस्वी वाटचालीसाठी मनःपूर्वक शुभेच्छा दिल्या. जनतेच्या विश्वासाला न्याय देत आसाम राज्य प्रगतीच्या नव्या उंचीवर जावो, हीच सदिच्छा!

यावेळी केंद्रीय गृहमंत्री आदरणीय अमित शाह जी, महाराष्ट्राचे मुख्यमंत्री मा. श्री.देवेंद्रजी फडणवीस,आंध्रप्रदेशचे मुख्यमंत्री श्री.एन.चंद्राबाबू नायडू जी, राष्ट्रवादी काँग्रेसचे नेते खासदार श्री. प्रफुल्ल पटेल जी, खासदार श्री. सुनील तटकरे जी तसेच खासदार श्री.पार्थ पवार हे उपस्थित होते.
_______

Honoured to attend the swearing-in ceremony of Shri Himanta Biswa Sarma ji as Chief Minister of Assam for a second consecutive term - a powerful endorsement of his transformative leadership.

Heartfelt congratulations on this historic mandate and warmest wishes for continued success in steering Assam towards new heights of development, peace and progress.

With Hon’ble Prime Minister Shri Narendra Modi ji and Union Home Minister Shri Amit Shah ji gracing the ceremony, it was a privilege to share the day with Hon’ble Chief Minister of Andhra Pradesh Shri N. Chandrababu Naidu ji, Hon’ble Chief Minister of Maharashtra Shri Devendra Fadnavis ji, senior NCP leader and Member of Parliament Shri Praful Patel ji, Member of Parliament Shri Sunil Tatkare ji and Shri Parth Pawar ji.

A truly memorable day reflecting the collective strength and shared vision of the NDA family.

#oathceremony #Assam
@himantabiswa

[Parth Sunetra Ajit Pawar @parthajitpawar]

♥️

[Sunetra Ajit Pawar @SunetraA_Pawar]

पश्चिम बंगालचे नवनिर्वाचित मुख्यमंत्री मा.श्री. शुभेंदु अधिकारी यांच्यासह मंत्रिमंडळाच्या शपथग्रहण सोहळ्यात सहभागी झाले. यानिमित्ताने श्री. अधिकारी यांच्याशी संवाद साधण्याची संधी मिळाली, त्यांना पुढील यशस्वी राजकीय व सामाजिक कारकिर्दीसाठी शुभेच्छा दिल्या. याचबरोबर देशाचे लोकप्रिय पंतप्रधान मा. श्री. नरेंद्र मोदी साहेबांशी व्यासपीठावर भेट झाली, आदरपूर्वक त्यांचे स्वागत केले.

यावेळी राष्ट्रवादी काँग्रेस पक्षाचे राष्ट्रीय कार्याध्यक्ष व खासदार श्री. प्रफुल्ल पटेल जी आणि खासदार श्री. पार्थ पवार उपस्थित होते.

[Sunetra Ajit Pawar @SunetraA_Pawar]

मुंबई, पुणे, मराठवाडा आणि अहिल्यानगरला अधिक वेगवान, सक्षम आणि आधुनिक जोडणी देणाऱ्या नेरळ–वांद्रे–पाईट–शिरोली–पाबळ–मळठण–शिरूर या १३४ कि.मी. लांबीच्या चौपदरी महामार्ग प्रकल्पाला राज्य शासनाची मान्यता मिळाली आहे.

पुणे–शिरूर मार्गावरील वाढती वाहतूक कोंडी कमी करून मुंबई व जेएनपीटीशी थेट संपर्क निर्माण करणारा हा मार्ग राज्याच्या विकासासाठी गेमचेंजर ठरणार आहे. रायगड, पुणे, मराठवाडा आणि अहिल्यानगर परिसराच्या आर्थिक, औद्योगिक आणि दळणवळण विकासाला या प्रकल्पामुळे मोठी चालना मिळणार आहे.

विशेषतः खेड एसीझेड, तळेगाव, चाकण, रांजणगाव व सुपा औद्योगिक क्षेत्राला या मार्गाचा मोठा फायदा होणार असून खेड, शिरूर, आंबेगाव आणि मावळ परिसरातील विकासाला नवी गती मिळणार आहे. उद्योग, रोजगार आणि गुंतवणुकीच्या नव्या संधी निर्माण करणारा हा महत्त्वाकांक्षी प्रकल्प ठरेल.

या प्रकल्पासाठी दिवंगत उपमुख्यमंत्री आदरणीय अजितदादा पवार यांनी विशेष पाठपुरावा व सातत्यपूर्ण प्रयत्न केले होते. राज्याच्या सर्वांगीण विकासाचे त्यांनी पाहिलेले स्वप्न पुढे नेत हा प्रकल्प प्रत्यक्षात साकार करणे, हीच त्यांना खरी आदरांजली ठरेल.

[MahaNCPspeaks @mahancpspeaks]

राष्ट्रवादी काँग्रेस पक्षाचे युवानेते जय अजितदादा पवार यांच्या पुढाकारातून बारामती येथे आजपासून जनता दरबार उपक्रमाची सुरुवात करण्यात आली. पहिल्याच जनता दरबाराला नागरिकांनी उत्स्फूर्त प्रतिसाद देत मोठ्या संख्येने उपस्थिती लावली.

जनतेच्या विविध समस्या, अडचणी आणि मागण्या जाणून घेत युवा नेते जय पवार यांनी संबंधित विभागांच्या अधिकाऱ्यांशी तात्काळ दूरध्वनीवर संपर्क साधत अनेक प्रश्न जागेवरच मार्गी लावण्याचा प्रयत्न केला. नागरिकांच्या प्रश्नांबाबत तत्परता आणि संवेदनशीलता दाखवत प्रशासनाशी समन्वय साधण्यावर त्यांनी विशेष भर दिला. बारामतीतील नागरिकांच्या समस्या जलद आणि प्रभावीपणे सोडवण्यासाठी प्रत्येक गुरुवारी जनता दरबाराचे आयोजन करण्यात येणार असून, या माध्यमातून जय पवार नागरिकांशी थेट संवाद साधणार आहेत.

जनतेच्या प्रश्नांना प्राधान्य देत त्यांना न्याय मिळवून देण्यासाठी हा उपक्रम अधिक परिणामकारक ठरणार असल्याची भावना उपस्थित नागरिकांनी व्यक्त केली.

[Vice-President of India @VPIndia]

Deputy Chief Minister of Maharashtra, Smt. Sunetra Ajit Pawar, called on Vice President of India and Chairman, Rajya Sabha Shri C. P. Radhakrishnan at Uprashtrapati Bhawan today and tendered her resignation as Member of Parliament (Rajya Sabha).
Her resignation has been accepted by the Chairman with effect from 6th May, 2026.

The Chairman conveyed his best wishes for her continued service to the nation and success as Deputy Chief Minister of Maharashtra.