@SaudiNews50 حضور اقتصادي متنامٍ للمرأة السعودية..
هذا تلاعب بالنتائج
كلنا نعرف ان الرجال الموظف ممنوع يفتح سجل تجاري
لذا يسجله باسم بنته الصغيرة أو امه او زوجته
@eMoroor@aloqmain مراجعة الهيئة المرورية لدى أقرب إدارة مرور
لاحظت هذا الرد يتكرر
مراجعة ادارة المرور ليست سهلة في المدن الكبيره ممكن في الرياض تاخذ نهار كامل
وحتى في المحافظات الصغيرة يتطلب الامر استئذان من العمل
لماذا يتحمل السائق مشقة وتعب واحراج مع مديرة في العمل ليصحح خطأ موظف عندكم؟
@ALI_M2025_ طرح مبسط جدا
فيه وزارة للتجارة و وزارة للاقتصاد
عليها وزراء ومستشارين وموظفين وشركات استشارية
ويصرف لهم رواتب خيالية
انت الآن تبغى المواطن البسيط اللي راتبه يادوب يكفيه لآخر الشهر
تطلب منه يحافظ على اقتصاد البلد؟
انا كرب اسره مهمتي ادير ميزانية بيتي أما اقتصاد البلد فله وزرائه
@1Salii7 بعيد عن الخطأ على مين
السيارة انقلبت بسرعة والسبب الحاجز الخرساني
تصميمه متدرج من الاسفل للأعلى و يساعد على الانقلاب
المفترض يكون جدار متساوي وفي الأسفل بلدورات رصيف عادية بدل هذا التدرج
@7Alsabe@alsafeer2451 كأن المسألة فيها خدعة
ليش حاطين 3000 ريال ويقول هذا عربون؟
معروف اي شي نطلبه ندفع قيمته كامله ليش هنا حاطين عربون
كم واحد بينخدع ويظن ان السعر النهائي 3000 ثم يتورط
@raidkaled1@AZK_SA وش علاقة معدل الجامعة بمستوى التعليم؟
كم واحد معدله 5 وهو حافظ ولا يعرف يركب كلمتين على بعض قدام الطلاب
معدلك بالجامعة ممكن ينخفض لأن دكتورك سيء أو لأنه حصل لك ظرف في اي ترم
بعدين هم اصلا حطو اختبار الرخصة لأنهم مايثقون بمعدل الجامعة
والآن رجعو للمعدل
تخبط واضح
@majed_almhl السبب غلاء البنزين
ومخالفات الامن البيئي على الخيمه وشبة النار والمشي على العشب
وأخيرا الشباب التالين ماعندهم وظايف اصلا لذا طبيعي انهم مايفكرون بمثل هالكماليات
@naifco@Riyadh_Parking تنظيم المواقف بشكل مجاني لسكان حي النخيل
مجانا اقدر اوقف قدام بيتي
هذا يسمونه تلاعب بالالفاظ
أما هذي العبارة:الفكرة تنظيم المواقف داخل الحي
فهي استغباء للناس
طول عمرنا نوقف قدام بيوتنا لين جت شركة المواقف وحاست الدنيا
ثم صارو الآن يمنون علينا بالوقوف المجاني قدام بيوتنا