.

[. @M3jmiii]

منظرك على السرير المستوي خذ من عيوني
دمعةٍ ماهيب لا دمعة كذوب ولا منافـق
ㅤㅤ
خدّروك من الوجع ، لكن نسوّ .. ما خدّروني
ليتهم يدرون وش فرق المريض مْن المرافق

مثل ما عوّدتني للكايدات .. أرخِي متوني
هاااك عافيتي وجب مواجعك وانا موافق

[وهّاج @_3jim]

٢٣ °

جاك البراد و راح صوتك و زكمت
سلامة أوجاعك .. و لو كان كحه

صوتك حلو لا تذبح الشوق بالصمت
أحب صوتك لا غدا فيه .. بحه

_ عبدالله حمود الرشيد

[الحاكم @_alhakm]

صباح الخير يا أصدقاء،

أمّا بعد،

يقول خالد بن طفلان:

تسعى زحول الرجال بكل ليله ويوم
وان شانت ايامها ما شانت اخلاقها

"من يطلب الرزق لا يطلب من العين نوم
قـدام كل الطيور تطير بـ ارزاقها"

[الحاكم @_alhakm]

صباح الخير لكل طيّب،

أمّا بعد،

يقول محمد مناور:

حنّا تعاف نفوسنا بعض الامور
لو فِعلنا يِتعب ومنطقنا يسم

"مهما يدور الوقت فينا ما ندور
نواجه ظروف الليال و نبتسم"

[‏᷂لطامه @17l___]

صار الكلام يمرنا ونتعداه
أكبر سعاده في الحياه التغاضي

لو كل مجنون حذفنا حذفناه
ضعنا وضيعنا القدا والبياضي

الخبل والأهوج ومثله وشرواه
ماهمنا ورب السما والأراضي

المنشغل في دينه وطرد دنياه
��لمجادل الفاضين ماهوب فاضي .

[َ @r3inn6]

أنتي أحلى حلم شفته بالحقيقه
كيف أشوفك مقبله و لا أتغزل ؟

أجمل من الورد و أطيب من رحيقه
و أعظم من الشعر و الشعار و أجزل

للفجر و الصبح و أنسامه صديقه
و للهدوء اللي يضم الليل منزل

ودي أخذك لسماء الدنيا دقيقه
و أخذ القمرا من يديها و ننزل

[رِهام السلطـان @rsaieu]

فيه نوع من الأحترام يُسمى احترام الألم ،وهو عدم ذكر النعم أمام الشخص المحروم منها

" من شيمته يقطع عليك التفاصيل
ماوده - يقلب عليك المواجع "

مثل لما يسولف عليك سالفة لكنه يقطع جزء منها لأنه ماوده ينثر على جروحك ملح
- نوع النُبل هذا يأسرني -

[قروب شعر @Group_she3er]

وان أقبلت الارزاق منا ..ومنا
عيب علينا . . ان جوّدتها يدينا

حنا نبي . . والنَّاس يبغون منا
والله ليا منه عطانا ... عطينا

اما نثرناها على .. بيوت اهلنا
وإلا لقاها . اللي نظرهم علينا

[🇶🇦. @g8kf]

زل الطرب .. و انتهينا .. يالغزال اللعوب
حنا كبرنا على الابيات و لحونها

عاهدت نفسي ما اقربها طريق الذنوب
وانا لا عاهدت نفسي ما اقدر اخونها

ان جابك الشوق .. ولا حركتكْ الهبوب
تخيّري فالقصايد و اخذي عيونها :)

لا طاحت الشمس من كبد السماء للغروب
اضيق وانا من اللي " ما يعبدونها "

يازين سود العيون و زين بيض القلوب
ويا شينها كل ابيها لا انعكس لونها

فرط الوعي في عقول الناس ناره شبوب
ايعيّف قلوبهم فـ اشياء ٍ يحبونها

ماعاد تغريني الدنيا و خضر الدروب
حتى لو ان النسيم يلاعب غصونها

انصفت نفسي بنفسي في كبار الخطوب
و صديت عن زلة الجهال و ظنونها

مانيب ملزوم اصامد كل وجه ٍ شحوب
بعض الوجيه اترك الغاوين يقرونها :)

تصدمك الايام في معرب نسب و مْحسوب
اذا حسبته ورى الهقوه وهو دونها

[ماجد بن مهل @majed_almhl]

صورة بدون تحية لراعي أكبر صينية فواكه
والي مجلس الضيف لحاله على ذبيحة
والي مبرك الحاشي ومحوطه بالخرفان
والي يصب السمن وينثر الهيل
والي تخصصه تصوير المفاطيح يوميًا

[الحاكم @_alhakm]

تتجلّى سماحة الشخص ومروءته حين يتجاوز زلّات اقرباءه حفاظًا على الود وروابط الدم،
وفي ذلك قالوا الشعراء:

عيد بن خلف العاصمي:

"ماني لزلات الجماعه بطرّاد
من زلّ عاما عاضني ذا الزماني"

هادي بن حصان المري:

"ما للرفيق الا رفيقه وانا ابن حصان
إلا من تردى عاد طيبه بياتيني"

[الحاكم @_alhakm]

صباح الخير يا طيبين،

أمّا بعد:

تشرق الشمس وتصيب النفوس القناعه
حلم ربي وسيع ورحمته ما تونى

يوم ضاقت على قلب الضعيف الرعاعه
غنّت البدو "تخشى القوم هدرة جملنا"

قالوا النصر قلنا النصر ماغير ساعه
قالوا الصبر قلنا وآهل الصبر حنا

مالنا ح��له وشبه الجزيره وداعه
نحتميهامثل مانحتمي سلم أهلنا

[الحاكم @_alhakm]

اذا مرض شخص تحبه لا تصمت
بل قل له

مطلق بن شويه:
صحيح ان المرض ما يستحي وإنه عديم احساس
ما عيّن فالاوادم من يجيه الا انت يا خلي

المتنبي:
المجدُ عوفيَ إِذ عوفيتَ والكرَمُ
وزال عنك إِلى أَعدائك الأَلَمُ

الجواهري:
يا مُبرِئَ العِلَلَ الجِسامَ بطِبّهِ
تأْبى المروءةُ أن تكون عليلا

[✍ @999___1]

ياكابتن الإرباص صاحبك ملتاع
انا بوجه ابوك وامك تحرَّك

شق الفضا لاهنت وابعد عن القاع
قلبي حزين وحالتي ماتسرّك

ترى السفر حلٍ مناسب للاوجاع
وانته وسيلة خير لله درك

عامين ياكابتن وانا اعيش بصراع
يالله عسى اللي مرني مايمرك

#محمد_الجذع

@aljatha33

[NOURAH @just_poetry_]

مساء الخيرر لسكان الكرة الأرضية قاطبة .. وبعد :

في كل حزة مغيب أقول يمديني
أستقبل الشمس بكرة من مطالعها

الله من الصبرر .. ومن الوازع الديني
ومن احترام المشاعر عن تصنّعها

ما قلت فيني من الأيام ما فيني
أنا قبيل الظروف إلييين أسنععهاا.

[ًًًًً @0zvv4]

الإنسحاب في بعض الأمور أشبه بالعفو عند المقدرة
مثل ما قال سفر الدغيلبي/

«يوم شفنا الشكّ و الريبة و عودنا نكايف
و الرجوع من الدروب العوج نوع منّ الشطاره»

— يعني يا إنسان إنسحابك أحياناً نجاه لك .

[عـلـي @rolf_al3gmi0]

نعيد ونزيد ونقولكم للمره المليون لا تدقق

غضّ عن بعض التفاصيل وتغافل
أن بغيت تْعيش طٍيّب . . لا تدقّق

[الحاكم @_alhakm]

صباح الخير لكل قارئ،

أمّا بعد:

جعل ماني على متون الرياجيل عاله
الليالي قصيره والحوادث ممله

ودك الرجل قبل انه يربي عياله
يتربى على مبدا التشكي مذله

"من بغى المجد شمّر للحمل وارتكاله
لين يبني كيان وسمعةٍ مستقله

ومن تعوّد على فزعات عمه وخاله
كل ماشانت الدنيا برك في محله"

[ـ @k666y]

عجل بالنداء يا كابتن واقلع بالطياره
نفذ ��بري على شوفه وشوف بلادي

[الحاكم @_alhakm]

مساء الخير لكل طيّب،

أمّا بعد،

يقول علي مسفر:

على كثر ما زانت وشانت ما يبس الريق
ما تستاهل الدنيا لا مدحي ولا ذمي

من المستحيل أسمح من الرزق والتوفيق
لو اني على «جمر المقادير» متحمّي

صغاير الامور يكبّر احجامها التدقيق
وكباير الامور ان جات ما فوّرت دمّي

طبيعي اعيش وخاطري ما يعرف الضيق
انا كل ما قلت "الله اكبر" صغر همّي