Top Tweets for #Factfocus

🔴📍 سوہان خان قتل پارٹ#5 📍فیکٹ فوکس نے NCCIA کراچی کے انسپکٹر وزیر بھٹو (جو کہ سوہان خان کیس سمیت متعدد دیگر کیسز میں انویسٹی گیشن آفیسر تھے اور سندھ پولیس سے ڈیپوٹیشن پر سائبر کرائم ونگ میں تعینات تھے) سے بیان کے لیے رابطہ کیا، کیونکہ انہیں دیگر وکٹم نوجوانوں کے کیسز میں اور سوہان کے دوستوں کی جانب سے بھی اسی تشدد کی کارروائی میں ملوث بتایا گیا تھا۔ 📍وزیر بھٹو سے براہِ راست سوال کیا گیا: آپ نے سوہان خان پر تشدد کیوں کیا؟ ان کا جواب بے لاگ تھا: "سوہان خان گستاخ تھا۔ آپ توہین کرنے والوں کی حمایت کیوں کر رہے ہیں؟ فلسطینیوں کے حق میں آواز کیوں نہیں اٹھاتے۔۔۔۔؟ 📍وزیر بھٹو نے سوہان خان پر تشدد کا انکار نہیں بلکہ ایک طرح سے اعتراف کیا۔ ایک موقع پر انہوں نے فیکٹ فوکس کو بتایا کہ سوہان خان دل کے دورے کی وجہ سے فوت ہوا، لیکن جیل حکام اور سوہان کے خاندان نے اس دعوے کو مکمل طور پر مسترد کیا۔ 📍جب فیکٹ فوکس نے وزیر بھٹو سے یہ مخصوص سوال کیا کہ این سی سی آئی اے کے دائرہ کار میں یہ کیسے آتا ہے کہ وہ خود فیصلہ کرنے لگ جائیں کہ گستاخ کون ہے؟ تو انہوں نے اچانک گفتگو ختم کر دی اور واٹس ایپ پر اپنے پیغامات ڈیلیٹ کرنا شروع کر دیے۔ فیکٹ فوکس نے اس رابطے کے ریکارڈ محفوظ کر لیے، کیونکہ وزیر بھٹو نے اپنا آفیشیل مئوقف پیش کیا تھا۔ 📍ڈپٹی ڈائریکٹر NCCIA کراچی ایاز مہر سے بھی سوہان خان کیس پر رائے کے لیے رابطہ کیا گیا، لیکن انہوں نے جارحانہ انداز میں جواب دینے سے انکار کیا اور عوامی دلچسپی اور انسانی حقوق کے معاملات پر سوالات کا جواب دینے کی بجائے انتہائی غلط الفاظ استعمال کیے جن کا ثبوت فیکٹ فوکس کے پاس موجود ہے اور کسی بھی تحقیقاتی کمیشن کے سامنے پیش کیاجا سکتا۔ 📍فیکٹ فوکس سوہان خان کی فیملی کے ساتھ رابطہ میں ہے مگر وہ شدید صدمے میں اور خوف زدہ ہیں۔ اب بھی وہ عوامی سطح پر سامنے آنے کے لیے تیار نہیں، جب تک کہ حکومت کی طرف سے انصاف اور ان کی زندگیوں کی حفاظت کی ٹھوس یقین دہانی نہ کرائی جائے. #JusticeForSohanKhan #JusticeFor450 #450LivesMatter