Top Tweets for #WAMASAI

NITAWARUDISHA WAFANYABISHARA (WAMACHINGA) BARABARANI,Ubungo mataa.! 1.Eneo la Simu 2000 lilinunuliwa na Halmashauri ya Manispaa ya Kinondoni wakati nikiwa Diwani Ubungo 2010-2015 kwa dhumuni la Kuweka miradi ya uwekezaji ili kukuza mapato ya Halmashauri. 2.Halimashauri ya Manispaa ya Kinondoni ilifanikiwa kununua ekari 5 katika eneo lililokuwa mali ya kampuni ya Shirika la Posta na simu Tanzania,eneo maeneo mengine ya kanunuliwa na taasisi za Aga khan na Law School 3.Halmashauri ya Manispaa ya Kinondoni ikagawa eneo la ekari tano kwa matumizi ya Stendi ya daladala,Choo cha umma na Soko la mazao na biashaara ndogondogo 2013. 4.Halmashauri ya Manispaa ya Kinondoni ikafanya kosa kubwa sana la kugawa Vizimba vya soko Jipya la Simu 2000 kwa Madiwani ikiwemo mimi na watu wenye majina au nafasi Kubwa serikalini. Jambo hili likapelekea Soko kudoda,kudorolana likawa ni soko tupu kwa miaka miwili kwakuwa waliopewa Vizimba sokoni siyo wafanyabiashaara. 5.2016 nilipokuwa Mstahiki meya Halmashauri ya Manispaa ya Kinondoni,palikuwa na zoezi la kuondoa wanachinga barabarani na kuwapeleka maeneo rasmi. Jeshi la Polisi na wagambo kwa agizo la Mkuu wa Mkoa DSM na Mkuu wa wilaya Kinondoni lilijaribu kuondoa wamachinga eneo la Ubungo mataa mara kadhaa bila mafanikio. Walipigana mabomu,wakaharibu mali,wakafunguliwa kesi lakini Wamachinga Ubungo mataa hawakuondoka barabarani. 6.01 May 2016 nikiwa Mstahiki meya Halmashauri ya Manispaa ya Kinondoni nilifika eneo la Ubungo mataa,kama Diwani wao na kama Mstahiki meya bila Polisi na wagambo Nikaongea na Wafanyabiashara wadogowadogo (Wamachinga ) waliokuwa wanafanya kazi zao eneo la Ubungo mataa na kuwaomba niwapeleke eneo la Simu 2000 7.Niliwaambia kwakuwa Madiwani na watu wengine walipewa vizimba sokoni na maeneo nje ya soko wameshindwa kufanya soko lichangamke basi kila Mfanyabiashara wa Ubungo aende aingie pale Sokoni Simu 2000, atakapo chagua kukaa ndiyo pa kwake. Baada ya hotuba hiyo nilienda kwa maandamano mimi na Wafanyabiashara wa Ubungo mataa (Wanachinga) tukaingia sokoni Simu 2000 kila mtu akakimbilia sehemu aliyo ona inafaa. Watu waliopita Jioni ya 01 May 2016 eneo la Ubungo mataa walishangaa kuona eneo limebakia Jeupe pasipo mfano. Wafanyabiashara wote wamekubali kwenda Soko la Simu 2000 8.November 2017 baada ya mgawanyo wa Halmashauri ya Kinondoni na Ubungo Sisi wa halmashauri mpya ya Ubungo tuliwaomba wenzetu watuachie Stendi ya Mawasiliano na soko hilo la Simu 2000 Na sisi tukakubali kuwaachia Stendi ya Makumbusho na soko la Makumbusho tena lenye uwekezaji wa ghorofa 5 ndani ya stendi ya Makumbusho. Kwakuwa mali zingine zote tuligawana kwa share za 60% Kinondoni na 40% Ubungo. 9. Wiki hii nimeshangazwa sana na uamuzi wa Baraza la Madiwani Ubungo la July 2024 Kuamua kugawa bure eneo muhimu na la kimkakati kwa mapato ya halmashauri na kutaka iwe karakana ya mabasi ya mwendo kasi Tena mabasi ya mwekezaji mpya aliyepewa tenda ya Kuendesha mradi wa mabasi ya mwendo kasi katika miundombinu ya serikali (DART) 10.Soko la Simu 2000 linauwawa na Baraza la sasa la Madiwani kwa kugawa bure na kupoteza mapato ya halmashauri tena bila kuwashirikisha Wafanyabiashara wadogo waliopo sokoni Wanavunja soko wakati huu kukiwa na miundombinu ya zaidi ya billioni moja (1,000,000,000) ambayo iliboresha mazingira ya soko la simu 2000 kama ujenzi wa fensi,ujenzi wa mabanda ya Soko,Ujenzi wa choo sokoni,Ujenzi wa Vizimba,Umeme na maji. Leo jasho la walipa kodi na ushuru wa Wilaya ya Ubungo linatupwa bure kwa hasara bila sababu kwa uroho wa fedha wa Viongozi wachache wa Wilaya ya Ubungo. 11.Kwakuwa Halmashauri ya Manispaa ya Ubungo na Uongozi wa Wilaya wameamua kugawa bure Soko la simu 200O kwa mwekezaji aweke gereji (karakana) Basi mimi Boniface Jacob Mstahiki meya mstaafu wa Halmashauri ya Manispaa ya Kinondoni na Ubungo nitaenda Kuwachukua Wafanyabiashara wangu nilio wapeleka pale miaka 8 iliyopita na Kuwarudisha barabarani,eneo la Ubungo mataa. Asanteni Boniface Jacob Ex-Mayor