.

متذوق للشعر 🇶🇦

[العديم @_3deem]

ابشّركم ان الله عقل بي وانا قد ضعت
ولّا كان لا ذالحين وانا بعد ضايع

لا داشر ولا صايع ولا قد دشرت وصعت
لكن المولّع كنّه الداشر الصايع

على شوفة الغالين ياما ظميت وجعت
تماماً مثل جوع وظمى الظامي الجايع

شريت الغلا الصادق لكنّ انجبرت وبعت
وانا احسْب شرّاي الغلا ماهو بـ بايع )؛

[محسن بن مترك @aprvip]

توارى السفر واومى بالاطناب عصف النود
وانا في مهامل عبلة ٍ ذيبها عاوي

سدول الظلام تحرر من الضمير قيود
وتستر دوافع ضيقه وتمن مهاوي

اوقف على الاطلال وارجع وانا ملهود
ولا ادري من اصارح ولا ادري من آخاوي

اصدد من النشاد ما كني المنشود
مثل صدة المشموم من نفحة الجاوي

اخاف ابتلش في كلمة مالها مردود
وانا انبه من الصياد واحرص من الناوي

حشاد ٍ ماداني وقفة القّل بعد الزود
ولا اداني اقف بين نفّاع وفداوي

معي حيرة مدور وصدة متيه ذود
وغربة . فكر متنبي . وعزلة مخاوي ):

[الــطـــرقـــي @altarqiu]

عن المجتمع عدوني اللّوم لا صديت
على الحق ما يقفا ملام العرب زاري

[يمكن @__3aao]

لا تشوف الناس ضعفك وانكسارك
لو عظامك تنكسر ما جبـروهـا

انتصب كنك طلعت من المعارك
ماخذاً ثار القبيله . . كلبوهـا

ناصر الحمادين

[3thbh. @1x2eii]

بغيتك يوم وقتي سمح والخاطر ضحوك وطرب
وأنا هالحيّن، أحنك من غثاي وشينة أخلاقي

[فزاع @fza5111]

لو تحاربك الحياه . . وما عليها
أنت ادرى عن مدى أحلامك وذاتك

كل لحظه تعيش فيها ، عيش فيها
" لا تخلي غيرك . . يغيّر حياتك "

[على الصامت @zaid53991783]

ياعنك الزمن ما يندرى ويش هو تاليه
جبرني بـ صكاته على الشك والريبه
-
أشوف السعد من واحدٍ كنت ما ادانيه
واشوف البلا من واحدٍ كان ودي به

[قصايد @hnoof_x]

افتخر في خوّة اللي يشرفني نباه
جعلني من رفقة اهل المعزة ما خلا

[معكاز شعر @M3kkaz]

من صد عني وانا ما اخطيت في حقه
يرضيه طيبي .. ليا جرب ردى غيري .

[‏᷂عسر٨٨ @Qhta10ni]

اختك شعر وجهك وسترك ومبداك
الاخت تلجأ قبل ابوها لـ اخوها

خلك ظهر لاختك على طول تلقاك
وان مات ابوك الواجب تكون ابوها

[سلطان بن بتلاء @sbinbtlaa]

لاتضايق يارفيقي عسى الدنيا فداك
ابجح الضيقات .. ضيقة صدور الطيّبين

اضرب الدنيا جلد وانسف ، همومك وراك
ولاتفكّر غير في يومك ، وبكره تزين

لاتحسّب جمع ربعك ولاكثر اخوياك
بالمواقف ينطح الكايده ١ ،٢

[معكاز شعر @M3kkaz]

ياما خسرنا والحياة استمرت
حنا من اللي .. ما نعد الخساير .

⁧#شعر⁩

[جارالله بن حمد @q8uuy]

يرفع الرجل ( عقله ) في عيون الرجال
لين ينزل من عيون الرجال بـ يده

من غدا همه الشهره وطرد الريال
لا تغارب إلى خاوى .. سنين ولده !

[ُ @__iQmr]

اشهد ان التوجاد والفرقى وحيش
واشهد ان جو المجامل وروتينه ممل

واهني الطير لاعاف له مخلب وريش
مايرده عن مشاهيه سلم ولا عمل

ليتني مثله ولو ليت مامنها معيش
كلمة لاهي بتشفي ولا تجمع شمل

لإمتى وعروق قلبي من الفرقى عطيش؟
ودي بلاما هنننوف حلاها مكتمل

[َ @ii2eri]

أحنّه مْن الوجد ، لا هب ذعذاع
وأحنه من الليل لا جاء بيبدي

ويحّن من ممشاه حتى على القاع
ودي إنهْ يمشي لامشى فوق كبدي :)

[فهد بن بجاد @ifhd4]

اهدني على صِراط الوصل .. واترك لك ضلاَلي
مستعد اومن بـ حب جروحي الي من يدينك

كان ماردك علي دعاي .. فالعشر التوالي
رح عسى ربي يسمح دربك وربي يعينك

لك علي انك ملازمني .. مثل نكسة عقالي
و لي عليك انك ماتنساني .. مثل نغزة قرينك

[جابر النشيرا @jaber_nshera]

الطيب مايحصر على الربع الادنين
ماهوب حسب الواسطه والمعرفه

وقولة نعم تنقال لـ المستحقّين
ماهيب لـ ضعوف الرياجيل طرفه

ياما تردّى واحدن تعرفه زين
وقضى لزومك واحدن ماتعرفه

[هَـ @_i8ul1]

تعداك الملام وشرهة الغالي على الغالين
مشاريه الغلا عند الموادع ما لها قيمه

حصل مني الخطا والا حصل منا الخطا الاثنين
مصير الوقت يرضينا وكل غلطه بتعليمه (:

[‏ ᷂غريب ᷂الدار ᷂ @l5l9_]

يالله وأنا عبدك اللي طامع في رضاك
وأحيان أضيّع دروب الحق وأدلها

لا جيتك بدعوةً فيها شعور أرتباك
أفتح لها أبوابك اللي فالسماء كلها

[معكاز شعر @M3kkaz]

مهما يجيك من الخطأ من رفـيـقك
حاول تغاضى والخطأ لا يجي مـنك

ترى رفيقك لـو وقـف في طـريـقك
مثل الرصيد أن قل وأن زاد في البنك

واعرف عدوك قبل تعرف صديقك
ومن لا يحس بضيقتك مـادرى عنك .

⁧#شعر⁩ ⁧#شعر_الصديق⁩