يارفيقي خاطري ماش وافكاري شتات
خلني لـ مطاول الليل الاسود والسهر
والله اني ضايق الصدر من كل الجهات
وفاقد النوم الطبيعي لي اكثر من شهر
المداهيل القديمه و بعض الذكريات
اظهرت من عيني الخافي اللي ماظهر
لا سرا الليل الطويل ولا غفوا سمّاره
جيت في عيني كلام وفي ضميري كيّه
لي شهر ماني بخير وقدرتي منهاره
وخاطري متضايق ونفسيّتي نفسيّه
ماني بـ محتاج للخلوه ولاني كاره
بس وين الخلوه اللّي في طرفها فيّه ؟
قبل يبدا الصبح بشغّل وافرّ الطاره
والقصيده من وجعها كنّها مرثيه
من مشلّه مرتع ام قلاده وهدّاره
فاهق الشيّط وراي وفاهق الشيحيّه
لا استوى خط الرياض اللّي عقب جرّاره
يستوي في البال وزن وفكره وقافيّه
شاعرٍ ودّه يوصّل للحبيب اعذاره
ويبتدي صفحه جديده ويحذف ماضيّه
لكن معييّ الزمان ومجريات اقداره
والظروف اللي تجمّعني معاه معييّه
الزمن ماجاني بـ خطواته المحتاره
والله انّي ماقدرت انسى هذيك الجيّه
جيّته جيّة غريمٍ جاي ياخذ ثاره
ولا ترك لي غير جرح ودمعتينٍ حيّه
مرتكب لي ذنب ماتنفع معه كفّاره
اه ياذنبٍ مانيب اعرف وش تاليّه
لا ذكرت ان الحياه ايّامها دوّاره
خفت من كل الليال السود والورديّه
احدن اليا غاب .. اموت ان ماعرفت اخباره
واحدن اليا غاب عنّي غيبته عاديّه
كان قلبي يستحس من الهوى واضراره
لين بيّن فيه من كثر التعب ماريّه
ومن فقدت اللي عليها الوقت فلّ ستاره
مابقى شيٍ يتعّب قلبي بـ طاريّه
ان كتب ربي .. بحطّ ايدي بـ يدك سواره
بعدها لا مت ؟ نفسي راضيه مرضيّه.
- محمد فراج .
ونتي ونة مريضٍ على ذرو الفراش
كل ما قالوا تشالا يجدبه المرض
عيني اللي دمعها كل ما ونيت جاش
كن وسط صبيّها مس عودٍ معترض
اذا ماعرفت على طول انها ابيات واحد من ال مره ، راجع ذائقتك
عن زحمة العالم وعن زود الاخبار
في خاطري صوب المناهيج توقه
والرجل يشكي م يجنبّه الاضرار
لو ساق دونه وزعةً من حقوقه
والحاجة اللي دونها النفس تحتار
مثل السراب اللي صعيبً لحوقه
يصبر بها الطيّب كرامه ومقدار
صبر المريض اللي مايدرى بعوقه
يا مغرق فرعون يا عون العباد . . من الهموم
انت العليم بـ عبدك وتدري وش اللي مقلقه
يا مهلك عاد بـ عذاب ليال . . وايام حسوم
حتى غدو صرعى تقول جذوع من دون ورقه
اعوذ بك من ضيقة منها يضيقن الهدوم
وعصرية فيها يجي . . تكّاك خاطر وغلقه
وبحماك لامن وآفة الحلقوم والموت محتوم
لا طنّبت بين التراقي ثم طلع صوت شهقه
عساي في ظلك بـ يوم . . لا ظلال ولا غيوم
واحد موازيه عرقه واحد مغطيه . . عرقه
يا حي يا قيوم انا عبدك واصلّي لك واصوم
عبدك وابن عبدك وناصيته لـ وجهك مطلقه
طاحت عراوي كل خلقك ما يبي منهم قسوم
مستمسك بـ العِروة الوثقى . . عساك توفّقه
يغويني الشيطان بعض احيان لا كنك رحوم
ما عندي الا اكتابك المنزل كتاب أصدّقه
اما بعد لـ اللي يهمه الامر . . والنايم يقوم
اهم شي وجيهنا . . مصدر ثقه وموثقه
خلوني اخذ راحتي ترى الشغف شبه امعدوم
مدري انا فيني بلا والا الزمن فيه امحقه
الناس قبل التقنيه . . كل مقدّر ومحشوم
لين استخفو بعضهم للمحتوى والطقطقه
من كثر ما قل الحيا . . في صيغة قضيّا لزوم
يمكن تشك ان بعضهم مغسول وجهه بـ مرقه
جايز نضجت اكثر من اللازم لكن على العموم
الوقت متغيّر علي . . وضعه وحتى منطقه
اكافح الايام ماني من عنا الوقت . . معصوم
وصدري من الخيبات صاير للخلايق محرقه
كل اصدقانا اللي مقابرهم ورى الصدر الكتوم
ما ماتو بـ حادث مروري ماتو بـ حادث ثقه
سقف الهقاوي وهّـق عيال الحراير والقروم
خلا النشاما بين سندان الردي والمطرقه
واللي ماهو بـ الله ترى مافيه خير وما يدوم
كم رغبة في عنقها علّقت حبل المشنقه
الخاطر اليا طاب من حاجه ترى عنها يشوم
لاني ليا عفت الامر . . كنّي قدرت أحقـقه
هبت انسام الدجا واقفيت عايف
عن تعاليل العشير وعن مضيفه
انطوى قلبي مثل طي الصحايف
بعد صار الهم عنوان ..الصحيفه
كل ماضاقت على العوج النحايف
اشعر بـ قلبي مثل ضرب القذيفه
ما يضاهي عزّة النفس بالدنيا غناة
عن دروب الذل يا خطوة العز أنتحي
الردي لو يشري المدح ما يخفى رداه
ندري أن ما كل من خاف ربّه ملتحي
مشكلتنا كل مخطي نبرّر له خطاه
نستحي في وقت فيه العرب ما تستحي
أكافح سرايا ضيقة الصدر بالتسبيح
مثل ما تكافح رمدة العين بدواها
تطيب الجروح الواجده و الهموم تطيح
من القلب كان الله بلطفها تولاها
عسى المقبله فيها من الجود هبة ريح
وعسى الماضيه تغفر من الله خطاياها
إستعذت من الدروب اللي نهايتها حسافه
قبل ترميني ملذات الزمن .. في جوف غبه
شيمة الانسان ميزان اعتداله وانحرافه
تنذره لا شافت الاوضاع ما هي مستتبه
إن عجزت إنك ترد النفس عن شيٍ تعافه
ماقدرت تحط نفسك فالمكان اللي تحبه .
علمتني عزتي . . . نقل الكلايف
لا استوى وزن الخفيفه بـ الثقيله
مابقى عندي كلام و لا طرايف
طالت الطرقه وانا نفسي معيفه
جعل قلبي لا رجا الخلايق خايف
تضمد جراحه قبل يكبر نزيفه
ودي لو آعرّض الخاطر براد الشمال
أعوذ بالله من نفسي ، ومن سوها
اللي على وصلها حالت ضروف الليال
لسان حالي يردد .. ليتها ، لوها
رهيفة احساس سهلة طبع صعبة منال
ما تاخذ من السجايا غير محلوها
تستأذن الشمس منها قبل وقت الزوال
ضو القمر ما يبين ، الا على ضوها
اوصافها كل ليلة من جمال لـ جمال
اقول يا حلوها .. وتقول لي توها
ياضعفها كل ماجا لـ التراضي مجال
واذا خذينا الامور عناد .. يا قوها
اشوفها الدرة ، اللي تستحق الدلال
تعطيني الجرح واعطيها على جوها
@8iurr ذكريات الراحلين اللي لهم بـ القلب طاري
كل ماقلنا سلينا ! عرّضت فالعيين صورره
الله اكبر يا غرام زل و امحْته الذواري
لين صارت مثل واديٍ ممحلٍ ماتت جذوره
غير لا جابك ظلال الليل ؟ اقزرها مساري
واتنطح نور شمس الصبح لا بيّن ضهوره
لي
يالله إني في وزاك من الزمان التالي
أنكشف زيف الوجيه وبان لي خافيها
كل يوم يبور غالي و يتردى غالي
والظروف تلحّق أولها على تاليها
وأنت يا اللي باقي معلّق عليك أمالي
طالبك بالله تعالى .. طلبةٍ عطنيها
وقفة ماهيب لله .. لا توقفها لي
وكلمة ماهيب لله لا تسمعنيها
يعم الهدوء ويستثير السكون الصوت
وأنا بين صوت العقل واحساسي الجايش
ماضيعني وذوقني الموت قبل أموت
الا عقلي المتحرّص وقلبي الطايش
أشوف الحياة جنازةٍ في بطن تابوت
لكني رغم كل الصعوبات ، متعايش
ترا ما أصعب من الموت واللي خلاف الموت
إلا الفترة اللي ، لا أنت ميت ولا عايش
الا ياغريب الدار اذكر ديارك و حوّل شرق
و لابد زيد الله يحيطك على علوى
يرد البعيد اصل القرابه و دم و عرق
على ديرته و رباعته ساعه البلوى
لك الحمد يالله والشكر واشهد به فرق
مابين المطار وبين جي معا سلوى