ععبث♯̶.

إن طبت طبنا فوق طيبك وزدنا وإن شنت ما كنا على الأرض شفناك .

[Abu Nourh . @azeezx900]

إنتي الصّعب كلّه في كفوف المَنــــــــال
إنتي مافيه مثلِك — لا أبد لا أبد

[ًً @uniqueallv]

ياربي اجعلني بصف العابدين الشاكرين
على الرضى والعفو والرحمه وامان المغفره

مالي ومال الادمي حيله بمكتوب الجبين
كلٍ وله ما الله تعالى بـ المقادير اذخره

عساني لا طريت فبال احد يطريني بـ هالحاجتين
ضحكة توسع خاطره او وقفه تشد ظهره

[َ @otbelbr]

زاهدٍ برغبات العمر واحارب الظلمة بـ نُور
كريم نفس يجمّل أيامه — وهي ما تجمّله

فريد لو ما ألاقي إنصافي ولا أحب الظهور
إلّا بسحرٍ إن مَرّ من حول .. الجمال يكمّله

ما أعرف أتوسّط ولو أتوسّط في بعض الأمور
تبطي الليالي ولا توجّهني على أرضٍ ممحله

[َ @1llle__]

عطاك الله من الثقل ، لوّك خفيف الظلّ
مثل ماعطاك سلاحك اللي على أهدابك

ليا سلهمَت عينك حذف رمشك المنسلّ
سهومٍ ، عليها وسّمك و وَقْع مِضرابك

— عبدالله السيحاني

[ّ @elegancetoty]

ياحلو الناس اللي ملقاهم طيّب
وجودهم طيّب، كلامهم طيّب، مواقفهم طيّبه
🤍الله يجعلنا دايماً منهم ومعاهم🤍

[َ @asay4l]

«عشت يا رأسي بخير ولا عليك رقابه/ يا عسى تفداك روسٍ خاب فيها ظني»

[ّ @elegancetoty]

الحمدلله يوم هذي انا .. و هذي أطباعـي
و الحمد لله في كبايـر الامـور و أصغرهـا
عارفٍ قدري و مدة يـدي و طـول ذراعـي
ما خذلت عينٍ رجتني بخيـرهـا و شـرهـا
أن مست حدود الكرامه لوحت للوداعي
محدٍ ياطى على طرفي ولا يكسر حجرها

[نديّه . @ll6uj]

زهيت الذهب والماس واغلا الجواهر لين
عطيت الذهب والماس من طلتك قبله ❤️

[ْ @unknowns2id]

طبعي أجنّب عن الناس وأصد
لا شفت مالا يستحق اهتمامي

في ذمتي ما هو معجزني الرد
أنا أعتبر صمتي جزء من كلامي

لكن عندي لكل حاجةٍ لها حد
قبل توصل لهيبتي واحترامي

صدّي عن اللي ما يبادلني الود
شيمةٍ لنفسي واحترام لمقامي

[ِ @_arrw]

يعرف اسمي ويعرف وقفاتي ويبخصني
ويدري اني فوق هقواته وفوق .. ظنونه

ويدري انه ما يزودني ولا ينقصني
لو تغني حنجرة الابداع من مواله

كانه ارخصني فهو تافه وان ما ارخصني
قلت من ينسى الجمايل ما يسرك حاله

[𝑭𝑨 @xllf20]

وإن زعلتي مابقى للعمر والتاريخ قيمة
والأسف سكّة طويلة لين يركع بـ إتجاهك

أذكريني نار بدوٍ في لياليك العتيمة
وقبل أشد ركاب جرحي كنت أبـشد إنتباهك

يا إنتصاري في طريق الفقد، ودروب الهزيمة
حالف إني لا ارسم البسمة على طارف شفاهك

[ٓ @wercij]

أسافر من محطات الخيال لوقفة التفكير
واغني باللحون اللي صداها يطرب اسماعي

جناحي ذكرياتي والسما فكره و أحب أطير
كرهت الواقع الي يحبس افكاري في قاعي

كثر ما كنت أخاف المفارق صرت أشوفه خير
مثل ما كنت أخاف البحر قبل اطلق شراعّي

[سُهَاد @C6i____]

أنا انسانه ماتعجبني مقولة أسكتي وأرضي بالمقسوم
وخلّي السفن تمشي بما تشتهي الرياح
أنا أغرقكم أنتم والسفن
ولا أرضا بشيء ما يرضيني ابدًا

[َ @otbelbr]

في كل حزّة مغيب اقول يمديني
استقبل الشّمس بكره من مطالعها

الله من الصّبر ومن الوازع الديني
ومن احترام المشاعِر عن تصنّعها

ماقلت فيني من الأيام ما فيني
انا قبيل الظّروف الين اسنعها

[لــولـو @vitllx6]

أنا اللؤلؤ اللي يسعى لها البحّار
وأنا الموج اللي عاق بمسرى السفينة
انا النادرة اللي تقصر عنها الانظار
كل زين مرني ياقف رهينة
إن زعلت أعطي فرصة وأطلق الإنذار
لمقامي وش يرضي درّه ثمينة
مايرضيني كود الشمس وجل الاقمار
مع الورد وبعض الكنوز الدفينة
وان حضرت استغنو عن جميع الانوار

[ًًً @_iivv1l]

«ويظلُّ دربُ العمرِ مخضرًّا إذا—شُدّت يداكَ إلى الصفيِّ المؤنسِ»❤️

[سِيـن @lsriill]

- عصّريه بعنوان /

" لو خسرت الأمس كمّل من جديد
العوض قدّام ، والماضي .. فدا "

[ٰ @starvven]

عفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه

وعفى الله عن همومٍ ما تخلي مستريح البال
يعيش أيام عمره في صفا ذهن و صفا نيّه

وعفى الله عن هواجيسٍ توقف بي على الاطلال
تعيد الذكريات اللي مع الأيام منسيه

[ــــــيّ. @y4iil_]

والله إني ما اسفهلّ بونس غيرك .. لو عطوني قصر في حي المصيف وقصر في حي العليا "
لسعد بن جدلان
مُتحدثاً عن الونس لا صرت بجانب محبوبك ،
وأن لحظةٍ معه تسوى الدنيا بأهلها
وطراه أيضاً الشاعر اللي قال :
" شفت حياة الملوك وعيشة البطره
تسوى نهار .. شبكة أيديك بيديني ❤️"

[ٍ @Calmedoctor]

ياعذاب اللي هقاويه واحلامه كبار
يحسب الدنيـا تراعي شعور الطيّبيـن

الزمـن دوّار وأنا نشدته يوم دار
قلت ليه تدور؟ قال انتظر ما دِرت زيـن

عايش الحرّيـة اللّي ماهي عند الحرار
ومن كثر ما أسرفت فيها شعرت إنّي سجيـن

صكّت الصكات جعل راسي مجـار
من معاناة وظروف وبقايا راحليـن