صحراء

[غدير بنت عبدالله @Ghabdullahq]

عدّاني العيب والتقصير وشرهات الأفا واللوم
وإذا طيبي غلط عمري ألا يا زين غلطاتي

عدّاني الكذب والتسويف وكلمةٍ حقها مهضوم
وأنا ماني ضعيفة بأس تحكمني قراراتي

عزيزة نفس ما أرضى شموخي ينهزم في يوم
وسيعة بال وأفعالي توردها قناعاتي

[٩١. @rllw_]

أحس أنك حولي وأنت غايب عن الأنظار
ما زلت أكبر آمالي و ذكراك ما زالت

محلك؟ما يمدي الناس تاخذه مهما صار
معك كانت أول و آخر أحبّك .. انقالت

[مملوح @Qcccc0]

الوجه ذا ماهو على قلبي غريب
مهما تغاضى ماني بمتغاضيه !

مع اني ماعرفك ، ولا عندي حبيب
واشوف غيرك بـ العيون الفاضيه

بس انت فيك احساس مامر ومريب
كنك حبيبي من حياةٍ ماضيه ؟

—العنود الواصلية

[أ @afjmi]

سلام الله عليك من أول الدنيا ليوم الدين
يابو قلبٍ حنانه يستتر بالمظهر القاسي

أعرفك زين وأدري اني حبيبك وتعرفني زين
ولو كلٍ بدا للثاني انه صار — متناسي

[@ @1Suuultan]

"اي والله مشيت وعاد عيني على المقعاد
وانا مقصدي ماهوب بـ أغيب واشتقلي

تصبّر علي يومين واجي على الميعاد
وإلى زادت اليومين ساعة.. تصدّق لي"

[سـ @ejmxii]

والله لبيعك بيعةٍ مالها شاري

[ابو سهيل @lll2_rn]

اذكرني لا بكت نجد وتخطتها الصحاري
واكتبني للرسايل كل ما أنقصت ظفيره

إنتهى عذر اللقى من يوم ما مات إنبهاري
يوم جيتني ورحت ولا طرى للشوق سيره

[رِهام السلطـان @rsaieu]

« إذا انتهت علاقتك ب شخص»
لا يعني بداية العداوه والكراهيه .. اجمع كافة أسراره وخبئها في مكان ما ، العلاقات أخلاق حتى لو انتهت.

كان ربّي كتب لك بالمحبة فراق
فارق اللي تحبه بس لا تكسره
- سعد علوش

[سَـ @lqqqlu]

تهقويت و الهقوه رست بي على لابأس
و تجرّعت صدماتٍ — من وجيه مألوفه

[روان سليمان🇸🇦 @raiil66]

« سكتنا واستحينا والحيا ماصار له مردود
قليلين الحيا لو إستحينا ما استحوا منا »

[مملوح @Qcccc0]

سفر الدغيلبي هالأنسان أشوف نفسي فيه، له فكر ومسار وسرب لحالة مايفهمه الا اللي عاش شعوره اما اللي ينظّر عليه هذا متفرج بالسعة ولا عاش يوم بمعاناة

"من ضجيج المجتمع كن نسمي بالحبل أتله"
"سقى الله يوم ان الليالي تمنيني"
"علةٍ مستعصيه ماغير ازايمها مزايم"
"في يدي قيد من فعلك وفالرجل قيد"
"أونس الصدمة وبالكتمان ضاري"
"عان تحت المحاجر مثل ضرب المياسم"
"أثابر وأكابر وأتعزم ويابلفيت"
"هو جاني أحباط ولا الأرض وش جاها"
"حنكونا الطموح وشربونا العناد"
"انا معترف واستغفرالله اذا زليت"
"أدور الشمس عز الظهر ما القاها"
"العزوم ارتخت والصبر سلم سلاحه"
"اصرف شعر واعتصم بالله واشكي له"
الرجوع من الدروب العوج نوع من الشطارة"
"مامعي تبرير عن ياسي ولا أدري ويش صاير"
"المهم اني معيف وخاطري سامح وطايب"
"شيء من حدة مزاجي وشيء من الظروف"
"اذا انك ماتبيني ربعي أولى بي"
"يدري بها اللي يازن الشمس والفي"
"مير هالحين وحيد الفكر صار اول طماعه"
"شي مقدورٍ عليه وشيٍ فوق الاستطاعة"
"لي سنين أمثل مجتمع مايمثلني"
"أدري ان الاقويا ماخلقوا الا للنوايب"
"ابعد عن الناس قبل الناس تعطيك عين"

[@ @1Suuultan]

"أدوّر لـ جرحك من يدين الطبيب ضماد
واثر ما يضمّد جرحك إلا سكاكينه

أنا قبل اعرفك كان قلبي عيوف، وصاد
وبعدك ماصرت أعرف غير: الله يعينه

لكن الله اللي مَكّنك والله اللي راد
تخلّينه يحب الحياة… وتخلّينه"

[َ @b6ukm]

على ذكرى مسافات الرحيل اللي مشى بي لين
وقفت وما لمحت الاّ السراب يعانق احداقي

مشيت اربع سنين وما بقى كثر السنين سنين
كبرت وما بقى من رغبة ايام الصبا باقي

عقب ما لوحت كف الوداع وراحوا المقفين
رجعت و لا معي غير الحنين ودمعة فراقي

دعيت ان العوض يآتي كبير وما ذخرت آمين
عسى اللّٰه يطفي اوهام الشموع بلحظة احراقي

يمر العمر والحزن يتلاشى والطريق يزين
واغني كل ما يلمس شعوري لهفة اوراقي

أعرف ان العوض دايم يجي لكن يجي بعدين
أنا ما كنت اظن إن العوض يستاهل إرهاقي

[@ @1Suuultan]

"قديم الوِد، وأيَّام الصبا، والحِل، والترحال
أعرفك مثل نظرات الوَله في عين متجاهل

تمهّل لا تغافلك الليالي.. والسنين طوال
أنا للحين أغنّي في عيونك وأنت تستاهل"

[𝑅𝑒 @elliix7_]

" عطاك الله وجهٍ قد سعى فيه القصيد و طاف
يا قربه من هدب عيني و يا بعده عن كفوفيّ "

[َ @r3inn6]

أنتي أول من سمع صمته وصفّق لـ احتجاجه
وأنتي أول من سعى في رجعته ماقال وينه؟

وأنتي أول من شرب بيره ولاعذرب هماجه
وأنتي أول من ترك قَصره وفضّل بيت طينه

وأنتي أول من وطى برَّه وهيجن به وداجه
وأنتي أول من سبح بحره ونهّم به كنينه

[ِ @ajm1ii_]

ما عرفني إلا أنتي إليا من جهل قلبي حريبه
واحدٍ ماله نصيب من الطبوع إلا الجلافه

أنتي أدفى ما ورا صدري وأقصى ما يجيبه
وأنتي آخر عهده بجدب أرضه وقسوة جفافه

مستعد أبيع دنياي القديمة باللي هي به
أنتي دنيا ثانيه ما أنتي على دنياي اضافه

[قوس الربابة @_i1_____]

ذروة الحب:
"تخيّل كيف سكّنتك وخلّيت القريب ابعيد
وروّح كل عاشق يحلم افبيتٍ مثل بيتك"

كامل الحب:
"أسج وتنقلب ضوضا الشوارع في عيوني بيد
واجيك ويرتعش في خافقي عصفور لاجيتك"

[ام جخدب @r5o5l]

«شعوري يوم أشوف ان النصيب اقوى من الاهداف
شعور اللي تصيبه في الضلوع - رصاصه المحتل».