7

لاباس ياراسٍ ملته التفاكير

[برقاوي @m_ls89]

لعنبوا من .لامني فيك.. يا زين .الطبوع
الفخامه ..كلها ..فيك ..والملح ..الكثير

لا كشختي ثم عرضتي على كل الجموع
اندهش من رزتك صفوة الجمع الغفير

النحر .مزموم والبطن كن حاديه. جوع
والردايف .نابيه تحرجك وقت .المسير

والجدايل ضافيه لين من تحت الضلوع
والعيون السود تذبح كما السيف الشطير

[:) @useer5ll]

ياحبني لك ياضحوك الثماني
طبعك كذا ولا أنت للغي لعاب

وانا من اللي في جهنم رماني
والماء قريب وجمر شفتك لهاب

غر السحايب قطرها ماشفاني
مايشفي إلا رشف عذبات الانياب

خايف على اسمك يافقيده لساني
لا ينهبه من بين الاضلاع نهاب

وافرح اذا الطارش بعلمك لفاني
فرحة صويب نوخة عنده ركاب :)

[معكاز شعر @M3kkaz]

صغر البيوت وكبرها .. مالها دور
من ناحية طيب الرجال ورداها

كم بيت يا كبره .. من الناس مهجور
من قل ما تلقى كرامة لحاها

وكم بيت يا صغره .. وبالناس معمور
اما غداها فيه .. والا عشاها .

[ِ @ajm1ii_]

«وش اللي سرق من صوتك الحبّ يا مملوح؟
لمحت الغلا مفقود من قسوة النبرة

أسولف معك ما كنّ لي فـ السّبب مصلوح
و أنا والله إنها خانقة حلقي العبرة

دخيلك لا ترجّع لهفتي رجعة المكسوح
أبي صوتك يعوّد علي مثل ما أخبره

ما دوّرت غيرك يوم غيرك تجي وتروح
على القلب ما تلقى لها دربٍ تعبره

مع النّاس قلبي شايبٍ لا جلس مسموح
لكنك لا جيته فزّ لك جاحدٍ كبره

معك من تهاليل الغلا ما يرد الرّوح
مثل ما معك هجرٍ يحدّه على قبره»

[ّ @iilvlp]

تقول إن شمس عصيّر لا أرهت على المهياف
توادع عيون الناس …. وتطيح في كبدي

[َ @d3iiih]

أنا يوم إنّي أسمّيك عمري ما لساني زَلّ
وش الأيام لو ماهي "غلاك" وشمسه وظله؟

أحبّك كل ما قالوا بدأ قلب الحبيب يملّ
وأحبّك كل ماقلت اسكتوا لا يمكن أمله

تخيّرتك وأنا مالي خيار إلاّ أنت مو من قل
ولكن كنت ماتشبه أحد من بد خلق اللّٰه

[بوح غفراني @bo77_1]

كيف اوصّف ياحبيبي نظرة العين الشنيعه
والرموش اللي ترد المهتدي صوب الظلاله

تاه فكري في جمال عيونك " الحور " الوسيعه
وش يقول الشاعر اللي عينك اوسع من خياله

[ً @e511lr]

يالهنوف الي عطاك الله شي من العجايب
ما مشيتي للردى والضعف ودروب النقيده

لاحضرتي جيتك أحلى من أقبال السحايب
ما يوصّف زين وجهك الف بيت من القصيده

الحقيقه وجهك المملوح يستاهل ضرايب
ما أنتي ب مثل النساء يالنادره أنتي فريده

— ناصر الفنيد

[:) @useer5ll]

تغطَّي يا مال القوم ي ام العيون الخرس
ترا روس خلق الله من الحر منطشّه

وحنّا بـ مستشفى ما حنّا بصالة عرس
تعابى وفينا ضغط وقلوبنا هشّه :)

[الريّس @83jmi]

أنا ماودي أشكر في حياتي غير " أبوك العود "
مسوي له جمايل بعد ما جاب أجمل سلاله :)

_ جمال بندر

[:) @useer5ll]

واقف من البارحه والم
تحت البدر وانتظر بدرك

اباري الساس ، و مسالم
وان شفت عودك ماعاد ادرك

وشلون اعوّد معك سالم
وانته تشيل النِعم حدرك

اخطر مضيقين فالعالم
مضيق هرمز بعد صدرك :)

[عنفوان رجل @Kln333]

لبيه ، والليل قمرا والعشاء قطف توت
والجو هادي وانا وانتي وقطف النهر

ان كان ضقتي تحضنتك سوات البشوت
واهديت لك من عيوني اغلا قصايد مهر

متناقضه والدليل اللي عليه الثبوت
اهدابك الليل ، وخدودك قوايل ظهر

الوجه هذا جماله كم خرب له بيوت؟
جماله يعيش ما ياكل عليه الدهر

[🦌 @R__amm]

لو طل نور القمر في ليلة ..الاكتمال
طلة جبينك يا مملوحه على مستوى

رمشك يوضّح لي المشهد عن الاحتلال
وش حيلة اللي يجابه رمشك ولا قوى

أشوف عودك مثل ما أشوف ساحة قتال
وشلون لم القوام الفارع و ما حوى

أنتي ..حضورك لحاله يعتبر كرنفال
يزفّك الغيم و البدر و نسيم الهوى .

[:) @useer5ll]

هنوف طويلة عنق ما هي طويلة بال
حسينة وصايف ما تعدد محاسنها

عليها عيون كل ما ساقت الفنجال
برد في يدين اللي تقهوى مفاتنها

شرى عودها بآخر زمانه لها سلسال
قبل لا يجي لأهل المراثي على ألسنها

ولا زال يلعب برقبتها وهي تختال
لو إن ما هي بحاجة ذهيبٍ يزيَنها :)

[مهّتوي @mhtwe88]

الحياة اللي معك عشتها جنة ونار
علقيها في رقبتك ترى دمي هدر

والبسيني مثل مايلبس الليل النهار
واشرقي بي وأغربي بي على شمس وبدر

وأدفنيني في بياضٍ نشع فيه الحمّار
عاشقٍ فارق حياته على مفرق صدر !

[شـــقران @moreloveu2]

يالفاتنه ياام الجمال اللي يليق
والله يازينن فيك ما عمره جرا

الصدر مفرق على نصف الطريق
و اللي مايدري عن المفرق سرا

و الخصر كنه لابسً خاتم عقيق
القوس من قدام و الفصّه ورا

ابراهيم المرزوقي

[عشق بدوي @Fars511q]

يافاتنه يام الجمال اللي يليق
والله يازينٍ فيك ماعمره جرى

وعيونك الثنتين عيت لاتفيق
يادوب ترمش كن داخلها غرا

والصدر به مفرق على نص الطريق
واللي مايدري عن هذا المفرق سرى

والخصر كنه لابسٍ خاتم عقيق
القوس من قدام والفصه ورا

احيان احس اني مسند مع طويق
واحيان احس اني مدحدر مع كرى .

[َ @UsernameHaa]

أنتي أطهر ذنب وأجمل غلط وأشجع قرار
حطك الله في ليال العمر ليلة قدر

الهزيمه في عيونك بطعم الإنتصار
من يقاوم سحر عينك ورمشك لاخدر

مادريت إنك مسحتي دموعي بالخمار
لين قالت رعشة إيديك يامجنون إدر

وإدفنيني في بياضً نشع فيه الحمار
عاشقً فارق حياته على مفرق صدر

- سعود بن مبارك

[غيهبان @__ic2]

من وصايا الشعراء ..

نزار قباني :
" صبّي نهدك الأبيض في دنيا فمي "

شقير الجذع:
لفني في سمطة البرقع الهله
وحطني بين النهيدين وأدفني

بندر الدويش :
إدفنيني في مداهيل القلايد
في مكانٍ ماحدٍ غيري يمره

سعود مبارك :
ادفنيني في بياضٍ نشع فـيه الحمار
عاشقٍ فارق حياته على مفرق صدر

[بوح غفراني @bo77_1]

على موقع السلسال بيت القصيد يساق
مثـل مـايسـاق الـطيب : للـي يعرفـونه

يا ذات الـقوام اللـي خذا قلبي المشتاق
انا لا طمـعت : بشـي ماجيت مـن دونه

لمع وجه ( سلسالك ) مثل لمـعة البراق
ولعب في تضاريس النحر وانكشف لونه